一支團隊，由開設到每年合規，處理你公司嘅全部需要。
免費諮詢報價好多客戶第一次搵我哋,講嘅都係同一句:「我唔知由邊度開始。」
澳門嘅商業程序其實有邏輯,但分散喺唔同部門、唔同法例、唔同期限。一個新開嘅公司,可能同時要面對商業及動產登記局嘅登記時限、財政局嘅開業申報同年度申報、社會保障基金嘅僱主登記,如果做餐飲仲要面對發牌部門同場所條件,請外勞就再加勞工事務局同治安警察局。
我哋做嘅事,就係將呢啲分散嘅程序整合成一條路,由一個窗口跟到底。你唔需要理解每一條法例,你只需要知道下一步要做咩、幾時要做、要準備咩 —— 呢啲由我哋講俾你聽。
先講清楚,後開工。 我哋唔會喺未講清收費同範圍之前就開始做嘢。書面報價會將政府規費同服務費分開列,你睇得明每一蚊去咗邊。
唔識就話唔識。 如果一件事我哋唔熟,或者你嘅個案有實質風險,我哋會直接同你講,而唔係收咗錢先算。牌照能唔能夠攞到、配額批唔批,決定權喺主管部門,我哋唔會向任何客戶作出保證。
用你聽得明嘅說話。 法例條文我哋自己睇就得,同你講嘅時候會用日常說話。你需要知嘅係「幾時之前要做咩」,而唔係條文編號。
紀錄屬於你。 所有公司文件、決議同紀錄都屬於客戶。將來你想自己處理或者轉去其他服務方,我哋會完整交接,唔會扣起文件。
六大範疇,全部同一個團隊處理
設立、登記、變更、股權轉讓、增減資本、停業註銷,以及現成公司買賣同盡職調查。
名稱證明、章程草擬、發起人會議、公證設立、公報刊登、登記,以及成立後嘅持續維持。
日常記帳、財務報表、所得補充稅 A/B 組申報、職業稅名表、就源扣繳、逾期補報同稅務健檢。
場所合規評估、申請路線規劃、圖則協調、跨部門統籌、現場檢查跟進同續期。
外僱配額同聘用許可申請、藍卡辦理、聘用費安排、續期同人員變動處理。
註冊地址、信件代收、公司秘書、決議代擬、紀錄維護同合規日曆。
開工前出書面報價,政府規費同服務費分開列。
到期前主動通知,唔會等你錯過咗先講。
收到有期限嘅政府信件,當日以WhatsApp 或電話通知。
客戶資料只用於受託事項,合作前簽書面協議。
結束合作時完整交還所有文件同紀錄。
涉及主管部門審批嘅事項,我哋只講風險,唔開空頭支票。
打算喺澳門開公司，呢幾個數你要知
澳門實行簡單低稅制，所得補充稅（利得稅）最高稅率僅 12%；2025 年度可課稅收益免稅額為 MOP 600,000。
一般有限公司最低註冊資本為澳門元 25,000 元，設立時無須提交驗資證明；股東無國籍限制。
申請新成立公司嘅商業登記，文件齊備後一般由商業及動產登記局於下一個工作天起 5 個工作天內完成。
澳門係自由港，大部分貨物進出口免關稅，資金進出自由，仲係中國與葡語國家商貿合作服務平台。
資料來源：澳門招商投資促進局投資者「一站式」服務、法務局商業及動產登記局（以現行有效公布為準）。
唔同階段，我哋都可以幫手
唔知由邊度開始？我哋由查名、簽契、登記到開業申報一條龍跟，你唔使自己跑各部門。
股東唔使親身嚟澳門，可以授權委託代辦；我哋用 WhatsApp 同你保持聯絡，進度隨時查。
餐飲、零售、教育等受監管行業，我哋提早評估場所同程序，同權限部門協調，減少走彎路。
年度報稅、外僱續期、商業名稱續用——我哋主動提醒期限，唔會等你錯過先講。
